करिश्मा मानन्धर -नायिका) बाट राजेश हमाल -नायक)

असल बाइट्स

-  साधारणतया उहाँ राम्रो-नराम्रो भन्दा पनि फरक किसिमको हुनुहुन्छ। उहाँको स्वरूप आमरूपमै फरक छ। त्यो नै राम्रो पक्ष हो। उहाँ भीडमा पनि छुट्टै किसिमको देखिनुहुन्छ।

-  २५ वर्षको अभिनय यात्रामा निर्माता, निर्देशक तथा अन्य कलाकारहरूलाई इन्टरफेयर नगर्ने उहाँको स्वभाव कदरयोग्य छ। जे भूमिका गर्नुपर्ने हो, त्यो गर्ने र त्यसबाहेक टिप्पणी गर्न नरुचाउने स्वभाव छ। यद्यपि अहिले सल्लाह दिन थाल्नुभएको छ रे।

-  चलचित्र उद्योगमा भएपछि गसिपदेखि विभिन्न नकारात्मक कुरा भैरहेका हुन्छन्, तर त्यसलाई मतलब नगर्ने उहाँको बानी छ। नराम्रो कुरा गरेर मजा लिने स्वभाव छैन्।

-  सानो बजेटमा काम हुने हाम्रो चलचित्र निर्माणमा उहाँ जहाँ जस्तो अवस्थामा पनि व्यावहारिक भैदिनुहुन्छ। आधारभूत कुरा आफ्नै घरबाट ल्याउने उहाँ युनिटसँगै बसेर खाना खान अप्ठ्यारो मान्नुहुन्न। म यस्तो पृष्ठभूमिको भनेर रवाफ देखाउनुहुन्न।

-  हरेक क्षेत्रलाई नियालेर, गहिरो रूपमा बुझेर ज्ञान लिनुहुन्छ। जस्तोसुकै विषयमा पनि उहाँलाई ज्ञान हुनु भनेको सम्भवतः उहाँले धेरै पुस्तक अध्ययन गर्नु हो अनि उहाँ इम्प्रेसिभ पनि हुनुहुन्छ। उहाँ ज्ञान र क्षमतालाई उपयोग गर्दै तर्कसंगत कुरा गरेर जो-कसैलाई प्रभावित गर्न सक्नुहुन्छ। उहाँ स्वास्थ्यप्रति पनि सचेत हुनुहुन्छ।

खराब बाइट्स

-  अहिले धेरैले मलाई राजेशजीले यस्तो चलचित्रमा चाहिँ काम नगरिदिए हुन्थ्यो भनेर भन्नुहुन्छ। यो कुरा उहाँले पनि सुन्नुभएको होला। जस्तो पनि काम गर्ने उहाँको स्वभावलाई सबैले सही मानेका छैनन्। यद्यपि उहाँ तर्कका साथ यसकारण काम गरेको भनेर जवाफ दिन सक्नुहुन्छ।

-  उहाँ व्यावहारिक हुनुहुन्न, सायद एक्लै बसेको प्रभाव हुनसक्छ। मलाई उहाँ आफैं भित्र हराइरहेजस्तो लाग्छ, रहस्यमय पनि हुनुहुन्छ।

-  पहिले-पहिले उहाँमा डे्रसअप सेन्स ठीकै मात्र थियो, राम्रो थिएन, तर अहिले केही सुधि्रएको छ।

-  सुटिङमा ढिलो पुग्ने उहाँको बानी नै थियो, यद्यपि अहिले समयमै आउनुहुन्छ रे।

-  मानिसहरूका अनुसार उहाँ चाँडै घुलमिल नहुने मानिस हो रे, तर मसँग चाहिँ कहिले सहजै घुलमिल हुने र कहिले बोल्दै नबोल्ने पनि भैरहेको हुन्छ।