sexy Nepali Model Blow up - Sanistha Lama

sexy Nepali Model Blow up - Sanistha Lama

माया प्रितीका किर्तिमानहरू ( records on Love )

माया प्रितीका किर्तिमानहरू

४६ घन्टा चुम्बन


थाइल्यान्डको पतायामा सम्पन्न म्याराथन चुम्बन प्रतियोगितामा थाइल्यान्डका इकाचाई तथा लक्सना तिरानात्रा दम्पतीले ४६ घन्टा २४ मिनेट लगातार चुम्बन गरेर आफ्नो नाम गिनिज बुक अफ वल्र्ड रेकर्डसमा दर्ता गराए। यसअघि  जर्मन दम्पती निकोला माटोभिक र क्रिष्टिना रेनहर्टले ३२ घन्टा ७ मिनेट १४ सेकेन्डसम्म लगातार चुम्बन गरेर सन् २००९ मा गिनिज बुकमा आफ्नो नाम दर्ता गरेका थिए।

सौभाग्यवती भवः

विवाह हुदाँ आफन्तजनले वरबधूलाई सौभाग्यवती भवः भनेर आशीर्वाद दिए पनि उक्त आशीर्वाद धेरै कम मानिसलाई मात्र लाग्छ। यस्तै किसिमको आशीर्वाद लागेर अमेरिकाका हरबर्ट र जेलमायरा फिसर ८४ वर्षसम्म वैवाहिक  जीवन बिताउनसफल भएका छन्। सन् १९०५ मा जन्मिएका हरबर्ट र सन् १९०७ मा जन्मिएकी जेलमायराले सन् १९२४ मा विवाह गरेका थिए।



एकै दिन सर्वाधिक बन्धन

सन् २००८ अगष्ट ८ तारिख (०८/०८/०८) का दिन चीनका विभिन्न सहरमा ३ लाख १४ हजार २ सय २४ जोडी वैवाहिक बन्धनमा बाँधिएका थिए। बेइजिङले आयोजना गरेको २९ औं ओलम्पिकको पूर्वसन्ध्यामा भएको उक्त  विवाह समारोह अहिलेसम्मकै सर्वाधिक ठूलो मानिन्छ। उक्त दिन बेइजिङ सहरमा मात्र १५ हजार ६ सय ४६ जोडी वैवाहिक बन्धनमा बाँधिएका थिए।

अडेस लागेरै चुम्बन

युरोपको एक फेसन हाउसले क्यानाडामा आफ्नो व्यापार विस्तार गर्न अडेस लागेर चुम्बन गर्ने प्रतियोगिता सञ्चालन गर्‍यो। मेक्स कम्पनीले टोरन्टोमा आयोजना गरेको उक्त प्रतियोगितामा प्रतियोगीले कम्पनीको सो रुमको सिसाको  झ्यालमा अडेस लागेर चुम्बन गर्नुपथ्र्यो। सात जोडीले सहभागिता जनाएको उक्त प्रतियोगितामा ४ जोडीले १५ घन्टा ३१ मिनेटसम्म उभिएरै चुम्बन गरेका थिए।



एक मिनेटमै १ सय १०


बेलायतका २८ वर्षीय डिजे पाउल विन्स्टेल्लीले एक मिनेटमा चुम्बनको नौलो कीर्तिमान कायम गरेका छन्। ब्ल्याकबर्नमा आयोजित एक चुम्बन प्रतियोगितामा उनलाई एक मिनेटमा १ सय १० युवतीले चुम्बन गरेपछि उनले एक  मिनेटमा सर्वाधिक चुम्बन गरिने व्यक्तिका रूपमा आफ्नो नाम गिनिज बुक अफ वल्र्ड रेकर्डसमा दर्ता गराएका थिए।



सामाजिक सञ्जालमा

बढ्दो सामाजिक सञ्जालको प्रयोगका कारण अहिले सबैलाई आफ्नो स्ट्याटस चाँडोभन्दा चाँडो अपडेट गर्ने ध्याउन्न हुन्छ। सफ्टवेयर डेभलोपर डाना हान्ना र ट्रेसी पेजले पनि आफ्नो विवाह चलिरहेकै बेला फेसबुक र टि्वटरमा  आफ्नो विवाहसम्बन्धी जानकारी अपडेट गरे। उनीहरूले गरेको स्ट्याटस अपडेटले उनीहरूलाई सर्वाधिक चाँडो आफ्नो रिलेसनसिप स्ट्याटस अपलोड गर्ने जोडीको कीर्तिमान बनाउन सहयोगसमेत गर्‍यो। उनीहरूले सन् २००९ मा  विवाह गरेका थिए।

परेडमा दुलही


रोमानियाको राजधानी बुखारेष्टमा विवाहलाई व्यवस्थित गरेर लानुपर्छ भन्ने माग राख्दै दुलहीहरूले गरेको प्रदर्शन यस प्रकारको सर्वाधिक ठूलो  प्रदर्शन मानिन्छ। सन् २००९ मा भएको उक्त प्रदर्शनमा १ सयभन्दा बढी दुलहीले दुलही  पोसाकमै प्रदर्शन गरेका थिए। बढ्दो आधुनिकीकरणले परम्परागत विवाह संकटमा पर्दै गएको विषयमा जनचेतना जगाउन भएको उक्त प्रदर्शन पछि रोमानियाको संसदले परम्परागत विवाहलाई जोगाउने कानुन ल्याएको थियो।

कति धेरै अंकमाल


अमेरिकाको ओहायो राज्यका जेफ ओण्डास उमेरले ५१ वर्षको हुने बेलामा सबैभन्दा धेरै व्यक्तिलाई अंकमाल गर्ने व्यक्तिमा दरिए। अमेरिकाको हर्ट एसोसिएसनका लागि चन्दा संकलन गर्ने अभियानमा उनले २४ घन्टामा ७ हजार ७  सय ७७ व्यक्तिसँग अंकमाल गरेका थिए। उनको यो अभियानलाई गिनिज बुक अफ वल्र्ड रेकर्डस्ले सर्वाधिक व्यक्तिसँग अंकमाल गर्ने कीर्तिमानका  रूपमा दर्ता गरेको थियो।



लामो विवाह गाउन


चीनकी २५ वर्षीया लिन रोङले दुलही हुँदा लगाएको पहिरनलाई अहिलेसम्मकै सर्वाधिक लामो दुलही गाउन मानिन्छ। लिन रोङका लागि रेल सेवामा कार्यरत उनका दुलाहा झाओ पेङको परिवारले तयार पारेको उक्त गाउन २ हजार  १ सय ६२ मिटर लामो थियो। त्यो गाउनलाई मिलाउन २ सयभन्दा बढी मानिसलाई ३ घन्टाभन्दा बढी समय लागेको थियो भने उक्त गाउनमा ९ हजार ९ सय ९९ वटा गुलाफको फुल जडिएको थियो।

अनुभव - LOveletter (प्रेमपत्र)

प्रेमपत्र

केही समययता स्कुल-कलेजमा प्रेमपत्र पठाउने चलन उत्कर्षमा छ। प्रेमपत्र नपठाउने पुरुष  कमै हुन्छन्। प्रेमपत्र नपाउने केटी पनि कोही हुँदैनन्। जसले प्रेत्रपत्र पठाउँदैन, त्यो केटो  नामर्द मानिन्छ। जसले प्रेमपत्र पाउँदिनन्, त्यो केटीका बारेमा कुरा काटिन्छ। यसले गर्दा  स्कुल-कलेजमा प्रेमपत्र पाउनु वा पठाउनु एक प्रकारको फेसन नै बनेको छ। प्रेमपत्र  नपाउने केटीहरूसमेत फलानोले मलाई प्रेम पत्र पठाएको थियो, बा-आमाले झन्डै मार्नुभयो  भनेर आफ्नो बखान गरिरहेका हुन्छन्। यो उनीहरूको बाध्यता पनि हो।

प्रेमपत्र पठाउने फेसनमा म यति धेरै परेकी छु कि कहिलेकाहीँ त कुन पत्र कसले पठाएको  भन्ने नै झुक्किन्छु। प्रेमपत्रमा सबैले मेरी प्रेयसी वा मेरी मनकी रानी वा यस्तै केही लेखेका  हुन्छन्। त्यसपछि ऊ कहिलेदेखि आफूलाई मन पराउँछ, उसलाई आफ्नो केके कुरा मन पर्छ  भन्ने कुरा लेखिएका हुन्छन्। यस्ता पत्रमा उसको प्रेम स्वीकार नगरे आत्महत्या गर्नेसम्मका  धम्की हुन्छन्। अनी अन्त्यमा प्रेम स्वीकृत हुने आशा एवं विश्वास व्यक्त गरिएको हुन्छ।

मैले कक्षा ९ देखि हालसम्म पनि प्रेमपत्र पाइरहेकी छु। अहिलेसम्म सयौं पत्र पाएँ हुँली। प्रेमपत्र कस्ता हुन्छन्, कसरी लेखिन्छन् भन्ने कुरा पनि मलाई लगभग कण्ठस्थ भैसकेको छ।

पहिलोपल्ट प्रेमपत्र पाउँदा केटीहरू असाध्यै डराउँछन्। किनभने प्रेमपत्र अप्ठयारो अवस्थामा  फेला पर्दारहेछन्। पहिलो प्रेमपत्र मेरो स्कुल ब्यागमा हालिएको रहेछ। मलाई थाहा थिएन।  सरले ब्याग चेक गर्दा पो फेला पर्‍यो। सरले मलाई नराम्रोसँग थर्काउनु भयो। मैले रुदै यो  कसरी आयो थाहा छैन भनेपछि क्लासमा सोधपुछ भयो। पछि थाहा भयो, १० कक्षामा पढ्ने  युवकले पठाएको रहेछ। पाँच पेज लामो उक्त पत्रमा प्रेमका सारा ग्रन्थ अटाएका थिए। सरले  उसलाई अफिसमा लगेर नराम्रोसँग कुट्नुभएको थाहा भयो। यसमा मेरो गल्ती थिएन। तैपनि  मेरो कारणले उसले कुटाइ खायो भनेर धेरै दिनसम्म चिन्ता लागिरह्यो। बाटामा मलाई  नराम्रो व्यवहार गर्ने हो कि कुटपीट गर्ने हो भनेर साथी लिएर हिँड्नुपर्ने अवस्था आयो।

एसएलसी दिएर ऊ विद्यालयबाट बाहिरियो। तैपनि बाटामा उसलाई देखिरहन्थे। भित्रैदेखि पीर  लाग्थ्यो, तर स्कुलमा अन्य केटाहरूको पनि पत्र आइरहने हुनाले त्यो डर बिस्तारै कम हुँदै  गयो। एक समय त यस्तो भयो, दर्जनौं केटा ठाउँ-ठाउँमा मलाई हेर्न बसिरहेका हुन्थे। म  मुन्टो निहुराएर हिँड्थे। कसैले केही नगरे पनि मनमा चाहिँ अनौठो डर लागिरहन्थ्यो।

एक दिन पहिलो प्रेमपत्र पठाउने युवकले बाटो छेक्यो। मैले उसको अनुहारमा हेरें। उसले  नम्र भएर माफी माग्यो। उसले भन्यो, 'मेरो उद्देश्य तिम्रो चित्त दुखाउने होइन। न त  शिक्षकका अघि तिम्रो बद्नाम गर्ने नै हो। आलोकाँचो व्यवहारका कारण त्यस्तो काम हुन  पुग्यो। त्यसयता मैले तिमीलाई पत्र पठाएको छैन र पठाउन पनि चाहन्न। जे भयो, त्यसलाई  बिर्सिदेऊ।' उसको यो व्यवहार मलाई साह्रै राम्रो लाग्यो। उसलाई साथी बनाउन मन लाग्यो।  किनभने म प्रेमपत्र पठाउने केटाहरूसँग दुश्मनी बढाउन चाहन्न थिएँ। यसको सुरुवात  उबाट गर्न चाहन्थें, तर त्यसपछि उसले मेरो बाटो हिँड्नै बन्द गर्‍यो।

पत्र पठाउने मेरो पहिलो प्रेमीको व्यवहारले मभित्रको डर हरायो। त्यसपछि पाएका सबैजसो  पत्रलाई मैले सामान्य रूपमा लिन थालें। मलाई ती पत्र पढ्न मन लाग्थ्यो, तर प्रेम स्वीकार  गर्न मन लाग्दैनथ्यो। मेरो विचारमा त्यो युवा उमेरमा आएको एउटा भावनाको प्रतीक मात्र  हो, त्यसलाई गम्भीरतापूर्वक लिनुपर्छ भन्ने छैन।

फेसबुकको चलन बढेपछि अहिले प्रेम प्रस्ताव लेटरमा होइन, वालमा आउन थालेका छन्।  मोबाइलका एसएमएसमा आउन थालेका छन्। स्काइपबाट टाढाका मानिससँग प्रेम हुने  चलन बढेको छ। मेरो पनि आजभोलि स्काइप र फेसबुकबाट प्रेमका भावना साटासाट हुन  थालेको छ। म पनि कसैको प्रेममा परेकी छु। यद्यपि मलाई अझै पनि प्रेमपत्र मन पर्छन् र  म त्यस्ता प्रेमपत्रको प्रतीक्षामा हुन्छु।

२०१२ मा सर्वाधिक कमाइ गर्ने मोडलहरू

विगतका वर्षहरूमा झैं वर्ष २०१२ मा पनि मोडलिङ विधाबाट सर्वाधिक कमाउने अनेकौं सुन्दरीले संचारजगत्मा न्युज मेकरको भूमिका निर्वाह गरे। फोब्र्स पत्रिकाले प्रकाशन गरेको वल्र्ड्स हाइएस्ट अर्निङ मोडलहरूको सूचीअनुसार मोडलिङ विधाबाट सर्वाधिक कमाइ गर्ने टपटेन मोडलः

क्यान्डाइस स्वानपोल

यस वर्षको सर्वाधिक कमाइ गर्ने टपटेन मोडलहरूको सूचीमा सबैभन्दा कान्छी उमेरकी मोडल हुन्स्वानपोल। गत वर्ष पनि यो सूचीमा दसौं  स्थानमा रहेकी क्यान्डाइसको कमाइ यो वर्ष ३१ लाख अमेरिकी डलर रह्यो। २३ वर्षीया दक्षिण अफ्रिकी मोडल क्यान्डाइसले भिक्टोरियाज  सिक्रेटका लागि मोडलिङ गर्ने कार्यलाई निरन्तरता दिइन् भने उनको प्रबल गुरुङ र र्‍याग एन्ड बोनजस्ता ब्राण्डसित पनि संलग्नता रह्यो।  त्यसबाहेक उनले पेरिस, न्यूयोर्क तथा मिलान फेसन विकका रनवेको पनि शोभा बढाइन्।

क्यारोलिन मर्फी

वल्र्ड्स हाइएस्ट अर्निङ मोडलहरूको सूचीअन्तर्गत टपटेनमा क्यारोलिन मर्फीको नाम यसपटक नवौं स्थानमा छ। गत वर्ष उनी यो सूचीको  आठौं स्थानमा थिइन्। क्यारोलिनले यो वर्ष जम्मा ३५ लाख अमेरिकी डलर आर्जन गरिन्। सन् २००१ देखि एस्टी लाउडरको अनुहारका रूपमा  निरन्तर अनुबन्धमा रहेकी क्यारोलिनले यो वर्ष खास गरी एन् टेलर लफ्ट तथा टम फोर्डसितको सम्झौताबाट राम्रो आम्दानी गरेकी हुन्।

डोउजन क्रोज

२७ वर्षीया डच मोडल डोउचन क्रोजले फोब्र्सको यो टपटेन सूचीमा गत वर्ष यो स्थानमा रहेकी अलेक्ज्याड्रा अम्ब्रोसियोलाई एक स्थान  पछाडि धकेलेकी छिन्। यो वर्ष ६९ लाख अमेरिकी डलर आम्दानी गर्न सफल डोउजनको कमाइको अधिकांश भाग उनको भिक्टोरियाज सिक्रे ट, लोरियल र टिफ्फनी एन्ड कम्पनीसितको आबद्धतताबाट प्राप्त भएको छ।



नतालिया भोडियानोभा

रसियन मोडल नतालियाको यो वर्षको कमाइ ८६ लाख अमेरिकी डलर रह्यो। यही आम्दानीले यी रसियन सुन्दरी फोब्र्सको वल्र्ड्स हाइएस्ट  अर्निङ मोडलहरूको टपटेन सूचीको तेस्रो स्थान प्राप्त गरिन्। उनी हाई फेसन एडिटोरियलमा फिचर भइन्, क्याटवाक गतिविधिदेखि लिएर  ग्यरलेन र क्यालविन क्लाइन ब्रान्डको सुगन्धको विज्ञापनमा पनि उनी फिचर भएकी छिन्। नतालिया सूचीको नवौं स्थानमा रहिन्।



केट मोस

स्टाइल आइकनका रूपमा परिचित केट मोस यो सूचीमा गत वर्षभन्दा एक स्थान अघि बढेर दोस्रो स्थानमा आइपुगेकी छिन्। उनको समग्र  कमाइ ९२ लाख अमेरिकी डलर पुगेको छ। उनको यो आम्दानीको मुख्य स्रोत रिम्मेल, लङच्याम्प, म्याङ्गो तथा भोग आई वेयरजस्ता  ब्रान्डसितको संलग्नता रह्यो। उनी लुइस भिट्टनको स्प्रिङ समर २०१२ कलेक्सनका लागि र्‍याम्पमा देखा परिन्। केट विश्वप्रसिद्ध फेसन  पब्लिकेसनहरूको कभर गर्लका रूपमा पनि निरन्तर देखा परिन्। उनी अनेकौं पर्फ्युम ब्रान्डसित पनि आबद्ध छिन्। ३८ वर्ष पुग्दा पनि उनी  वल्र्ड्स मोस्ट डिमान्डेड मोडलहरूमध्ये एकमा पर्छिन्।

लारा स्टोन

यो वर्ष समग्रमा ३८ लाख डलर आम्दानी गरी डट मोडल लारा स्टोन वर्षको सर्वाधिक कमाइ गर्ने मोडलहरूको सूचीको आठौं स्थानमा रहन  सफल भएकी छिन्। उनको आम्दानी भर्साची, क्यालविन क्लाइन, डोना करन र प्राडाजस्ता ब्रान्डसितको संलग्नतामा आधारित छ। यसबाहेक  अटोमोबाइल कम्पनी मर्सिडिप बेन्जबाट पनि लाराले राम्रो आम्दानी जुटाएकी हुन्। गत वर्ष उनी विभिन्न हाई फेसन एडिटोरियलहरूमा पनि  निरन्तर फिचर भइन्।



अलेक्ज्याड्रा अम्ब्रोसियो

भिक्टोरियाज सिक्रेटकी मोडल हुनुका साथै चर्चित ब्राजेलियन ब्रान्डहरू कोल्सी र भिभारीसित पनि आबद्ध अलेक्ज्याड्रा अम्ब्रोसियोको कमाइले  उनलाई वल्र्ड्स हाइएस्ट अर्निङ मोडलहरूको टपटेन सूचीको छैटौं स्थानमा उभ्याएको छ। उनको कमाइ यो वर्ष समग्रमा ६६ लाख अमेरिकी  डलर रह्यो। उनले गत वर्ष यो सूचीमा यही स्थानमा रहेकी डारिया वोरबावीलाई विस्थापित गरेकी हुन्।



एड्रियाना लिमा

मोडल एड्रियाना लिमाको कुल आम्दानी ७३ लाख अमेरिकी डलर रह्यो, जसका कारण उनी यो सूचीको चौथो स्थानमा छिन्। उनी गत वर्ष  पनि यो सूचीमा यही स्थानमा थिइन्। उनको आम्दानीको मुख्य हिस्सा भिक्टोरियाज सिक्रेटबाट प्राप्त हुन्छ। लिमा सन् २०००मा भिक्टोरियाज  सिक्रेट एन्जेल बनेकी थिइन्। यो वर्षको प्रारम्भतिर नै दुईवटा सुपर कमर्सियलमा फिचर भएर बलियो आम्दानी हात पारेकी एड्रियानाले  यसपटक डोना करन तथा मावी जिन्सका लागि पनि मोडलिङ गर्न भ्याइन्।



मिरान्डा केर

वर्षभरिमा ४० लाख अमेरिकी डलर आम्दानी गरेकी अस्ट्रेलियन सुन्दरी मिराण्डा केर यो सूचीको सातौं स्थानमा छिन्। पहिलो पटक यो  सूचीमा समेटिएकी मिरान्डाको भिक्टोरियाज सिक्रेट ब्रान्डसित राम्रो सम्झौता छ। उनी विश्व प्रसिद्ध ब्रान्ड रिबोकसित पनि आबद्ध छिन्।  उनको आम्दानीको बलियो स्रोतका रूपमा सन् २००९ मा लन्च गरिएको उनको आफ्नै स्किन केयर लाइन कोरा अर्गानिक्ससमेत छ।



गिसेल बन्डचेन


फोब्र्स पत्रिकाको वल्र्ड हाइएस्ट अर्निङ मोडलहरूको टपटेन सूचीमा यसपटक गिसेल बन्डचेन ४ करोड ५० लाख अमेरिकी डलरको  कमाइसहित पहिलो स्थानमा रहन सफल छिन्। आफ्ना श्रीमान् टम ब्राडीसित दोस्रो सन्तानको अपेक्षा गरिरहेकी गिसेल लगातार ६ पटक यो  सूचीमा पहिलो स्थानमा रहन सफल भएकी छिन्। उनको यसपटकको आम्दानी पनि गत वर्षकै बराबर छ। उनी हाल प्यान्टिन, एस्पेरिट तथा  भर्साचीजस्ता ब्रान्डसित आबद्ध छिन्। त्यसबाहेक उनको लाइनको इपानेमा नामक निजी स्यान्डल पनि छ। बन्डचेन एन्ड ब्राडीलाई वल्र्ड्स  हाइएस्ट पेड सेलिब्रेटी कपलका रूपमा पनि प्रस्तुत गरिएको छ।

Sexy Jyoti Magar blowup

MODel to watch